Երեւան: Մեդիամաքս: Աշխատանքային այցով Ֆրանսիայում գտնվող ՀՀ նախագահ Արմեն Սարգսյանը սեպտեմբերի 22-ին մասնակցել է Շամոնի քաղաքում անցկացվող ամենամյա «Մտքերի գագաթնաժողովին» (Summit of Minds)։

Գագաթնաժողովի 300 ներկայացուցիչները անդրադարձել են համաշխարհային տնտեսության միտումներին, դրանց ազդեցությանը ներդրումների ու տնտեսական ռազմավարության վրա, խոսել են այսօրվա եւ վաղվա աշխարհի արագությանը եւ անկայունությանը հարմարվելու, դրանցից օգտվելու հնարավորությունների մասին:

Ելույթ ունենալով որպես գլխավոր բանախոս՝ Արմեն Սարգսյանն իր տեսակետն ու մոտեցումներն է ներկայացրել քննարկվող թեմաների եւ ժամանակակից աշխարհում տեղի ունեցող իրադարձությունների ու մարտահրավերների վերաբերյալ։