Երեւան: Մեդիամաքս: Ադրբեջանի խորհրդարանում այսօր քննադատել են Թուրքիայի նախագահ Աբդուլա Գյուլի շնորհավորանքը Սերժ Սարգսյանին` Հայաստանի նախագահ վերընտրվելու կապակցությամբ:
«Կարծիք է հնչեցվում, թե շնորհավորանքը հղվել է որպես քաղաքավարության նշան: Սակայն, պետք է ուշադրություն դարձնել նրան, որ որքան էլ քաղաքավարության նշաններ չդրսեւորվեն Հայաստանի հասցեին, այն օգտագործում է դրանք այլ նպատակներով», - այսօր նիստի ժամանակ ասել է Ադրբեջանի խորհրդարանի խոսնակ Օգտայ Ասադովը:
Ինչպես հաղորդում է Թրենդը, Ասադովը նաեւ մեկնաբանել է մի շարք միջազգային կազմակերպությունների դիրքորոշումը, որոնք հայտարարել են ՀՀ նախագահական ընտրությունների ժողովրդավարական անցկացման մասին:
«Անհրաժեշտ է ավելի ուշադիր եւ զգույշ լինել, քանի որ Հայաստանում ընտրությունների վերջնական արդյունքների բացակայության պայմաններում միջազգային կազմակերպություններն արդեն գնահատում են դրանք որպես արդար եւ ժողովրդավարական», - ասել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: