Երեւան: Մեդիամաքս: Մեդիամաքսը դիմել էր Հայաստանում սոցիոլոգիական հետազոտություններ իրականացնող մի քանի կազմակերպությունների՝ պարզելու, թե արդյո՞ք արտահերթ խորհրդարանական ընտրությունների օրը անցկացվելու է exit-poll:

«Բրեվիս» ընկերությունը, Հայկական սոցիոլոգիական ասոցիացան  եւ «GALLUP International association»-ի Հայաստանում լիիրավ անդամ «Էմ Փի ՋԻ» ՍՊԸ-ն Մեդիամաքսին հայտնեցին, որ դեկտեմբերի 9-ին չեն պատրաստվում exit-poll իրականացնել:

Հիշեցնենք, որ նախորդ խորհրդարանական ընտրությունների ժամանակ՝ 2017թ. ապրիլի 2-ին exit-poll իրականացրեցին The Gallup Organization-ը եւ Հայկական սոցիոլոգիական ասոցիացիան: Այն անցկացվեց ՀՀ ամբողջ տարածքում, համապատասխան մեթոդաբանությամբ ընտրված 125 ընտրատեղամասերում:

Exit-poll իրականացվել էր նաեւ 2012 թվականի խորհրդարանական եւ 2013 թվականի նախագահական ընտրություններում: