Երեւան: Մեդիամաքս: Ռոք-աստղ, System of a Down խմբի մեներգիչ Սերժ Թանգյանը հայտնել է, որ ընկերների հետ վավերագրական ֆիլմ է նկարում Հայաստանում տեղի ունեցած հեղափոխության մասին:
Ֆիլմը կոչվելու է «Ես մենակ չեմ» եւ պատրաստ կլինի 2019 թվականի կինոփառատոնային սեզոնի մեկնարկին, տեղեկացրել է Թանգյանը:
Նա նաեւ ասել, որ հպարտանում է այն նրանով, որ The Economist ամսագիրը Հայաստանը ճանաչել է «Տարվա երկիր»:
Մեդիամաքսը հիշեցնում է, որ Սերժ Թանգյանը 2018 թվականի գարնանն ակտիվորեն աջակցում էր հեղափոխությանը:
Ապրիլին New Europe-ի հետ հարցազրույցում նա ասել էր.
«Հայ երիտասարդները մշակութապես վերաձեւավորվեցին այնպիսի եղանակով, որ դարձան անհերքելիորեն հզոր: Նրանք իրենց ծնողների նման չեն հանդուրժի անարդարությունը, բայց, ի տարբերություն նախորդ սերնդի, դրան կարձագանքեն սիրով եւ հասկացողությամբ: Ես կարծում եմ, որ #ElectricYerevan շարժումը եղավ դեպի այս ամենն առաջնորդողը, քանի որ նույն երիտասարդներն էին, որ նախաձեռնել էին այն»:
Մայիսին Սերժ Թանգյանն այցելել էր Հայաստան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: