Երեւան: Մեդիամաքս: Թուրքայի գլխավոր ընդդիմադիր` Հանրապետական Ազգային կուսակցության առաջնորդ Քեմալ Քիլիչդարօղլուն հայտարարել է Հայաստանի հետ առանց նախապայմանների բանակցություններ սկսելու պատրաստակամության մասին:
Ինչպես հաղորդում է Մեդիամաքսը` վկայակոչելով Hurriet-ը, Քիլիչդարօղլուն հայտարարել է, որ «ոչ ոք չի կարող ասել, որ ես համամիտ եմ վարչապետ Էրդողանի հետ այս հարցի շուրջ»:
Կուսակցության փոխնախագահ Օսման Կորութուրքն իր հերթին ասել է, որ «մենք դիտարկում ենք հայկական զորքերի դուրս բերումը որպես ժեստ, այլ ոչ թե պայման»:
Հունիսի 12-ին Թուրքիայում կայացած խորհրդարանական ընտրություններում Հանրապետական Ազգային կուսակցությունը «Արդարություն եւ Զարգացում» իշխող կուսակցության գլխավոր հակառակորդ էր եւ հավաքել է ձայների 25%-ը:
