Երեւան: Մեդիամաքս: ՀՀ պաշտպանության նախարարությունում այսօր տեղի է ունեցել աշխատանքային խոհրդակցություն՝ նվիրված զոհված եւ վիրավորված զինծառայողների ու նրանց ընտանիքների անդամների սոցիալական ապահովման հարցերին:
ՊՆ-ում նշել են, որ խորհրդակցությանը մասնակցել է նաեւ ՀՀ աշխատանքի եւ սոցիալական հարցերի նախարար Արտեմ Ասատրյանը:
ՀՀ պաշտպանության նախարար Սեյրան Օհանյանը բարձր է գնահատել երկու գերատեսչությունների միջեւ առկա համագործակցության մակարդակը եւ սոցիալական պաշտպանության ոլորտում իրականացվող երկկողմ գործունեության արդյունավետությունը: Նախարարը վստահություն է հայտնել, որ առաջիկա համատեղ անելիքները եւս միտված են լինելու զինծառայողների ու նրանց ընտանիքի անդամների սոցիալական պաշտպանության խնդիրների լուծմանը:
Քննարկվել են զինծառայության զոհված եւ վիրավորված զինծառայողների ընտանիքներին սոցիալական օգնություն ցուցաբերելու ուղղությամբ կատարված աշխատանքներն ու ուսումնասիրությունների արդյունքները, եւ առաջիկայում, ըստ համապատասխան ուղղությունների, իրականացվելիք սոցիալական ապահովման միջոցառումները:
Ընդգծվել է, որ անհրաժեշտ է համադրել բոլոր ջանքերը՝ կարճ ժամկետներում զոհված եւ վիրավորված զինծառայողների ու նրանց ընտանիքների սոցիալական խնդիրների լուծման համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: