Երեւան: Մեդիամաքս: Օգոստոսի 16-ին ՌԴ Պսկով քաղաքում տեղի է ունեցել ՀԱՊԿ «Փոխգործակցություն-2016» զորավարժության բացման հանդիսավոր արարողությունը:
Բարձրացվել են մասնակից պետությունների՝ Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի դրոշները: Զորավարժությանը մասնակցում է նաեւ ՀՀ Զինված ուժերի օպերատիվ խումբը:
Բացման արարողության ընթացքում արձանագրվել է, որ ՀԱՊԿ օպերատիվ արձագանքման հավաքական ուժերը տարեցտարի առավել ներդաշնակ եւ փոխհամաձայնեցված են իրականացնում առաջադրված խնդիրները: Այս առումով կարեւորվել է նմանաբնույթ զորավարժությունների անցկացումն ու բարձր է գնահատվել մասնակից պետությունների ներկայացուցիչների համատեղ աշխատանքը:
ՀԱՊԿ օպերատիվ արձագանքման հավաքական ուժերի «Փոխգործակցություն-2016» զորավարժությանը մասնակցում են կառույցի անդամ պետությունների 7000 զինծառայողներ, ներգրավված է 1000 միավոր ցամաքային եւ օդային տեխնիկա:
ՀՀ-ն ներկայացնող սպաներն ընդգրկված են զորավարժության ղեկավարության ու հրամանատարության կազմում:
Զորավարժությունը կտեւի մինչեւ օգոստոսի 19-ը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: