Երեւան: Մեդիամաքս: Այսօր նշվել է ՀՀ Զինված ուժերի ավիացիայի կազմավորման 25-րդ տարեդարձը:
Երեւանի «Էրեբունի» օդանավակայանի տարածքում կազմակերպվել են ավիացիոն տեխնիկայի ցուցադրություն եւ անհատական ու խմբակային ցուցադրական թռիչքներ ուսումնամարտական ինքնաթիռներով, ուղղաթիռներով եւ ՄիԳ-29 կործանիչներով:
ՊՆ-ում նշել են, որ հայ ռազմական օդաչուները ցուցադրել են բարձրագույն պիլոտաժի բարդ հնարքներ:
«Նմանօրինակ յուրաքանչյուր տոն առիթ է հետադարձ հայացք ձգելու ու վերագնահատելու պատերազմի դժվարին օրերին ստեղծված հայկական ավիացիայի անցած ճանապարհը, արժեւորելու առկա ձեռքբերումներն ու սահմանելու նոր նշաձող առավել ակնառու հաջողությունների հասնելու համար: Այս օրը նաեւ հասարակության ուշադրությունը հրավիրում է այն մարդկանց վրա, ում ամենօրյա քրտնաջան աշխատանքի շնորհիվ կազմավորվել ու կայացել է հայկական ռազմական ավիացիան»,- ասել է ՀՀ պաշտպանության նախարար Վիգեն Սարգսյանը:
Նախարարը պարգեւատրել է մի խումբ զինծառայողների:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: