Երեւան: Մեդիամաքս: ՀՀ պաշտպանության նախարար Դավիթ Տոնոյանն ընդունել է Հայաստանի գիտության եւ տեխնոլոգիաների հիմնադրամի (FAST) գործադիր տնօրեն Արմեն Օրուջյանին:
ՊՆ հաղորդագրության համաձայն՝ ներկայացվել են հիմնադրամի առաքելությունը, գործունեության հիմնական ուղղությունները եւ ծրագրերը:
Զրուցակիցները քննարկել են ՊՆ-ի եւ հիմնադրամի համագործակցության ուղիները, զինված ուժերում նորարարական տեխնոլոգիաների ներդրման եւ զինծառայողների համար կրթական նոր ծրագրերի մշակման հնարավորությունները:
FAST-ը ստեղծվել է որպես գիտության եւ տեխնոլոգիաների խթանման, նորարարությունների ու վենչուրային կապիտալի համար նպաստավոր միջավայրի ստեղծման եւ կրթության զարգացման հարթակ:
Հիմնադրամի հիմնական առաքելությունը Հայաստանում եւ դրա սահմաններից դուրս տեխնոլոգիական նորարարությունը եւ գիտական առաջընթացը խթանելու համար նպաստավոր էկոհամակարգի ստեղծումն է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: