Երեւան: Մեդիամաքս: Ճանապարհային ոստիկանությունը հայտնել է ճանապարհապարեկային ծառայության տեսուչի պաշտոնի համար հայտերի ընդունման մասին:

Ծառայության անցնելու համար հրավիրվում են մինչեւ 30 տարեկան, պարտադիր զինվորական ծառայություն անցած, 170 սմ-ից ոչ պակաս հասակ ունեցող եւ ֆիզիկապես առողջ արական սեռի այն անձինք, ովքեր ունեն համապատասխան բարձրագույն կրթություն` «Իրավագիտություն», «Տրանսպորտային մեքենաշինություն», «Տրանսպորտային համակարգեր», «Գյուղատնտեսական արտադրության մեքենայացում», «Մեքենաներ եւ սարքավորումներ», «Փոխադրումների եւ ճանապարհային երթեւեկության կազմակերպում եւ կառավարում», «Տրանսպորտային ուղիների, միջոցների, շինարարություն, կառավարում եւ դրանց շահագործում» մասնագիտություններով:

Մանրամասն տեղեկությունների համար կարող եք զանգահարել 011-54-67-95 հեռախոսահամարով: