Երեւան: Մեդիամաքս: ՀՀ պաշտպանության նախարարին կից հասարակական խորհրդի հովանու ներքո ստեղծվել է ձմեռային զորակոչի ընթացքում քաղաքացիների դիմումների եւ բողոքների քննարկման հանձնաժողով:

Հանձնաժողովի նախագահ է նշանակվել պաշտպանության նախարարի խորհրդական Գեղամ Հարությունյանը: 

Հանձնաժողովի նիստերը կանցկացվեն Մոսկովյան 5 հասցեում գտնվող հասարակական խորհրդի աշխատավայրում՝ ժամը 11:00-ից: 

Առաջին նիստը կկայանա դեկտեմբերի 26-ին, հետագա նիստերը՝ երեքշաբթի եւ ուրբաթ օրերին: 

Դիմում-բողոքներն ընդունվում են աշխատանքային օրերին՝ մինչեւ ժամը 17:00-ը, ինչպես նաեւ շաբաթ օրերին՝ մինչեւ 14:00-ը:

Տեղեկությունների համար կարելի է զանգահարել 010-52-34-82 հեռախոսահամարով: