Երեւան: Մեդիամաքս: ՀՀ պաշտպանության նախարարի մամուլի քարտուղար Արծրուն Հովհաննիսյանն այսօր հայտարարել է, որ առաջիկայում ՀՀ զորակոչային համակարգը հիմնարար փոփոխություններ է կրելու:
“Ներկայիս զորակոչային համակարգում գործում են խորհրդային կարգերից ժառանգված մեխանիզմներ, որոնք իրենց չեն արդարացնում: Մյուս կողմից էլ զինվորների ծնողներն ամեն տարի հազարավոր նոր հնարքների են դիմում, ինչը խախտում է արդար զորակոչի սկզբունքները”,- ասել է նա:
Արծրուն Հովհաննիսյանի խոսքերով, այս տարի զորակոչը հարթ չի ընթացել, եւ կատարվելիք բարեփոխումների սկիզբը դրվել է ՀՀ գլխավոր զինկոմիսարի պաշտոնանկությամբ:
Նա նշել է, որ այս տարի Զինված ուժերի գլխավոր ձեռքբերումը մարտունակության աճն է: “Մեր մարտունակության ցուցանիշը հակառակորդի զսպվածությունն է. նրանց դիվերսիոն գործողություններն արժանի հակահարված ստացան”,- ասել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: