Երեւան: Մեդիամաքս: ՀՀ պաշտպանության նախարար Սեյրան Օհանյանն այսօր ասել է, որ Հայաստանը ցանկանում է ընթացք տալ հայերենական ռազմական արդյունաբերությանը:
Ինչպես հաղորդում է Մեդիամաքս-ը, այդ մասին նա ասել է Հայաստանի հուսիս-արեւելյան սահմանի ուղղությամբ տեղակայված առաջնագծում լրագրողների հետ հանդիպման ժամանակ:
Նախարարը նշել է, որ ներկայումս մշակվում է ռազմական արդյունաբերության հայեցակարգ եւ հաստատվում են ոլորտի զարգացման ծրագրերը:
Սեյրան Օհանյանի խոսքով, Հայաստանն այս ուղղությամբ համագործակցելու է այն կազմակերպությունների հետ, որոնց երկրների հետ արդեն համագործակցության փորձ կա:
Խոսելով սպառազինությունների համալրման մասին՝ նա ասել է, որ Հայաստանն այսօր ուշադրություն է դարձնում հեռահար խոցման միջոցների ձեռքբերմանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: