Երեւան: Մեդիամաքս: Երեւանի «Էրեբունի» ռազմական օդանավակայանում գտնվող ՌԴ օդուժի ռազմակայանում ձեւավորվել է ՌԴ Զինված ուժերի Հարավային ռազմական օկրուգի բանակային ավիացիայի էսկադրիլիա:
Նախկինում Հայաստանում տեղակայված ռուսաստանյան ռազմակայանի օդուժը բաղկացած էր ՄիԳ-29 կործանիչների էսկադրիլիայից, որը հակաօդային պաշտպանության մարտական առաքելություն էր կատարում:
«Այժմ՝ բանակային ավիացիայի էսկադրիլիայի ստեղծումից հետո, ռազմակայանը կունենա նաեւ Մի-24Պ, Մի-8ՄՏ, Մի-8ՍՄՎ ուղղաթիռներ, որոնք նախատեսված է օգտագործվել խնդիրների լայն շրջանակի լուծման համար»,- ասվում է ՌԴ Զինված ուժերի Հարավային ռազմական օկրուգի լրատվական ծառայություն հաղորդագրության մեջ:
«Էրեբունի» ռազմական օդանավակայանի նոր էսկադրիլիան ավիատեխնիկայով կհամալրվի 2014 թվականի ընթացքում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: