Երեւան: Մեդիամաքս: Մեկնարկել է «Մեղու. հայերենը բոլորի համար» մրցույթը, որին կարող են մասնակցել 3-12-րդ դասարանների բոլոր ցանկացող աշակերտները:

Մրցույթի կազմակերպիչ «Այբ» կրթական հիմնադրամում նշել են, որ այս տարի «Մեղու»-ն կանցկացվի հոկտեմբերի 27-ին:

Աշակերտների մասնակցության վճարը կատարելու եւ դպրոցի ցուցակում գրանցվելու վերջնաժամկետը հոկտեմբերի 4-ն է, իսկ դպրոցի հայտի ներկայացման վերջնաժամկետը՝ հոկտեմբերի 7-ը:

Մրցույթը 2014-ից ամեն տարի անցկացվում է Հայաստանի ու Արցախի դպրոցներում։

Նպատակն է համընդհանուր հետաքրքրություն առաջացնել հայոց լեզու առարկայի  հանդեպ, այն առավել գրավիչ ու սիրելի դարձնել երեխաների համար, նորովի մատուցել հայոց լեզուն:

2015թ. «Մեղու»-ին մասնակցել է 41 606 դպրոցական հանրապետության բոլոր մարզերի եւ Արցախի 1001 դպրոցներից:

Այս տարվա մրցույթի մանրամասներին կարող եք ծանոթանալ այստեղ: