Երեւան: Մեդիամաքս: «Այբ» կրթական հիմնադրամի կողմից անցկացվող «Կենգուրու» դպրոցական միջազգային մաթեմատիկական մրցույթը կանցկացվի մարտի 16-ին։

Մրցույթին մասնակցելու հրավեր-փաթեթներն արդեն ուղարկվել են Հայաստանի եւ Արցախի 1279 դպրոցներ:

Աշակերտների մասնակցության համար վճարումը կատարելու եւ դպրոցի ցանկում գրանցվելու վերջնաժամկետը փետրվարի 17-ն է:

Մրցույթի մանրամասները ներկայացված են այստեղ:

2016թ. «Կենգուրու»-ն ունեցել է 5 հաղթող, ինչպես նաեւ 1597 մրցանակակիր աշակերտ, որոնցից 883-ը գրանցել է լավագույն արդյունք եւ արժանացել նաեւ պատվոգրի:

Մրցույթն անցկացվում է անմիջականորեն դպրոցներում` ներգրավելով 3-12-րդ դասարանցի բոլոր ցանկացող աշակերտներին` անկախ մաթեմատիկական ունակություններից կամ առաջադիմությունից: