Երեւան: Մեդիամաքս: ՀՀ կրթության եւ գիտության նախարարությունն ու «Կոնրադ Ադենաուեր» հիմնադրամի հայաստանյան մասնաճյուղն այսօր ստորագրել են կրթության ոլորտում համագործակցության մասին հուշագիր:
«Հուշագրի ստորագրմամբ շարունակում ենք մի գործընթաց, որն ուղղված է «Հասարակագիտություն» առարկայի զարգացմանը, մասնավորապես՝ քաղաքացիական կրթության հետ կապված»,- ասել է ԿԳ նախարարի տեղակալ Դավիթ Սահակյանը:
«Մենք կարեւորում ենք քաղաքացիական կրթությունը, եւ այդ առումով Հայաստանը միակ երկիրն է տարածաշրջանում, որի կառավարության հետ կնքվել է նման հուշագիր, որի շրջանակում կիրականացնենք շատ կարեւոր գործընթաց»,- նշել է «Կոնրադ Ադենաուեր» հիմնադրամի հայաստանյան մասնաճյուղի տնօրեն Թոմաս Շրապելին:
Հուշագրով նախատեսվում է, որ «Կոնրադ Ադենաուեր»-ը կտրամադրի ֆինանսական աջակցություն:
Ծրագրի գործընկեր կազմակերպությունն է ԵՊՀ Եվրոպական ուսումնասիրությունների կենտրոնը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: