Երեւան: Մեդիամաքս: Հայաստանը ձգտում է ընդլայնել միջազգային խաղաղապահ գործողություններում իր մասնակցության աշխարհագրությունը:
ՀՀ ԱԳՆ Սպառազինությունների վերահսկման եւ միջազգային անվտանգության վարչության պետ Սամվել Մկրտչյանն այսօր լրագրողներին ասել է, որ Հայաստանը փորձում է ավելի մեծ ներգրավվածություն ունենալ ՄԱԿ-ի հովանու ներքո ընթացող խաղաղապահ գործողություններին:
Նա հիշեցրել է, որ Աֆղանստանում եւ Կոսովոյում խաղաղապահ գործողություններին մասնակցելուց բացի, Հայաստանը համարվում է նաեւ Լիբանանի հարավում անցկացվող ՅՈՒՆԻՖԻԼ խաղաղապահ գործողությունների մասնակից:
«Մինչեւ այս պահն ունեցել ենք մեկ դիտորդ, բայց մտադիր ենք այնտեղ ուղարկել ավելի մեծաքանակ կազմ: Հուսով եմ, որ իտալական կողմի եւ ՄԱԿ-ի հետ համագործակցության արդյունքում հնարավոր կլինի այդ տեղակայումն իրականացնել այս աշնանը»,- ասել է ԱԳՆ ներկայացուցիչը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: