Երեւան: Մեդիամաքս: Հայաստանը դատապարտում է ուժի կիրառումը քաղաքացիական օդանավերի նկատմամբ։
Ինչպես հաղորդում է Մեդիամաքս-ը, այսօր այս մասին հայտարարել է ՀՀ ԱԳՆ մամուլի խոսնակ Տիգրան Բալայանը՝ մեկնաբանելով երեկ Ուկրաինայի հարավ-արեւելքում տեղի ունեցած ողբերգությունը:
«Մենք ցնցված ենք տեղի ունեցած ողբերգությամբ՝ քաղաքացիական ինքնաթիռի կործանմամբ, որի հետեւանքով 298 մարդ է զոհվել։ Հայաստանը մշտապես դատապարտել է եւ շարունակում է բացարձակապես անընդունելի համարել ուժի կիրառումը եւ ուժի գործադրման սպառնալիքը քաղաքացիական օդանավերի նկատմամբ»,- ասել է Տիգրան Բալայանը։
Նա տեղեկացրել է, որ Հայաստանի նախագահը ցավակցական հեռագրեր է հղել Մալայզիայի եւ Նիդերլանդերի ղեկավարներին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: