Երեւան: Մեդիամաքս: Եվրոպայի խորհրդի գլխավոր քարտուղար Թյորբորն Յագլանդը ողջունել է Սոչիում Հայաստանի եւ Ադրբեջանի նախագահների հանդիպման փաստը:
«Ողջունում եմ Սոչիում նախագահներ Սարգսյանի, Ալիեւի եւ Պուտինի միջեւ կայացած հանդիպումը: Շփման գծում եւ հայ-ադրբեջանական պետական սահմանին տեղի ունեցած միջադեպերից հետո այս հանդիպումը դրական քայլ էր՝ ուղղված երկու երկրների միջեւ երկխոսության վերականգնմանը»,- ասել է գլխավոր քարտուղարը:
Թյորբորն Յագլանդը կոչ է արել երկու կողմերին ձեռնարկել բոլոր հնարավոր քայլերը՝ լարվածությանը վերջ դնելու համար:
«Մարդու իրավունքների եվրոպական կոնվենցիային անդամակցող երկրների միջեւ բռնության դրսեւորումներ չպետք է լինեն: Կոնվենցիան երաշխավորում է բոլոր եվրոպացիների կյանքի իրավունքը», - ասել է գլխավոր քարտուղարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: