Երեւան: Մեդիամաքս: Հայաստանում Լեհաստանի նոր դեսպան է նշանակվել Յեժի Մարեկ Նովակովսկիին:
Ինչպես հայտնում է Լեհաստանի ԱԳՆ պաշտոնական կայքը, Յեժի Մարեկ Նովակովսկին 2010թ-ից եղել է Լեհաստանի դեսպանը Լատվիայում:
2008-2010 թթ.-ին նա եղել է Արեւելքում բնակվող լեհերի աջակցության հիմնադրամի նախագահը: 2007-2009 թթ.-ին Յեժի Մարեկ Նովակովսկին ղեկավարել է Լեհաստանի Բաց համալսարանի Մենեջմենթի դպրոցի Արեւելքի կենտրոնը:
1997-2001 թթ.-ին որպես գլխավոր խորհրդական աշխատել է Լեհաստանի վարչապետի գրասենյակում:
Դոկտորական ատենախոսություն է պաշտպանել Վարշավայի համալսարանում:
Յեժի Մարեկ Նովակովսկիին տիրապետում է անգլերեն եւ ռուսերեն լեզուներին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: