Երեւան: Մեդիամաքս: Հայաստանում ԱՄՆ դեսպան Ջոն Հեֆերնը այսօր լրագրողների հետ հրաժեշտի հանդիպման ժամանակ ասել է, որ չի մերժի Ադրբեջանում դեսպան նշանակվելու առաջարկը, եթե այդպիսին լինի:
«Ես խնդիր չեմ տեսնում Ադրբեջանում դեսպան նշանակվելու մեջ եւ կողջունեմ նման հնարավորությունը», - ասել է նա:
Դեսպանը նշել է, որ բարդ եւ, միեւնույն ժամանակ, հետաքրքիր կլինի ծանթանալ ԼՂ հակամարտության հարցում Ադրբեջանի դիրքորոշմանը՝ հաշվի առնելով, որ Հայաստանի դիրքորոշմանն ինքն արդեն ծանոթ է:
«Ցավոք, Հայաստանում աշխատելու ընթացքում Բաքու մեկնելու հնարավորություն չունեցա, իսկ, օրինակ, Ադրբեջանում ԱՄՆ դեսպան Ռիչարդ Մորնինգսթարը այցելեց Երեւան, եւ մենք օգտակար հանդիպումներ ունեցանք Հայաստանի նախագահի եւ արտգործնախարարի հետ: Մորնինգսթարը հրավիրեց այցելել Բաքու, բայց, ցավոք, չստացվեց»,- ասել է Հեֆերնը:
ԱՄՆ դեսպանը նշել է նաեւ, որ աշխատելու է Ադրբեջանի հետ, երբ վերադառնա ԱՄՆ եւ անցնի նոր աշխատանքի՝ Պետդեպարտամենտի Եվրոպական եւ Եվրասիական գործերի բյուրոյում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: