Երեւան: Մեդիամաքս: Այսօր երկօրյա այցով Հայաստան կժամանի Իրանի արտաքին գործերի նախարար Մոհամադ Ջավադ Զարիֆը:
Մոհամադ Ջավադ Զարիֆին կընդունի ՀՀ նախագահ Սերժ Սարգսյանը։
Նախատեսված է Իրանի արտաքին գործերի նախարարի հանդիպումը Ազգային ժողովի նախագահ Գալուստ Սահակյանի եւ վարչապետ Հովիկ Աբրահամյանի հետ:
Հունվարի 27-ին տեղի կունենան արտգործնախարարների բանակցությունները, որոնց կհաջորդի համատեղ մամուլի ասուլիսը։
ՀՀ արտգործնախարար Էդվարդ Նալբանդյանը պաշտոնական այցով Իրան էր մեկնել 2014թ. մայիսին: Նույն տարվա հոկտեմբերին պաշտոնական այցով Իրանում էր ՀՀ վարչապետ Հովիկ Աբրահամյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: