Երեւան: Մեդիամաքս: Բասկերի երկրի խորհրդարանն ապրիլի 16-ին ընդունել է Հայոց ցեղասպանությունը դատապարդող հայտարարություն։
Հայտարարության համաձայն՝ Առաջին Համաշխարհային պատերազմի տարիներին Օսմանյան կայսրությունում սպանդի ու տեղահանության է ենթարկվել ավելի քան 1.5 միլիոն հայ եւ Հայոց ցեղասպանությունը մարդկության պատմության ամենահրեշավոր ցեղասպանություններից է:
Բասկերի խորհրդարանի անդամները փաստել են, որ չնայած միջազգային հանրության կոչերին՝ Թուրքիայի կառավարությունը դեռեւս չի ճանաչել Հայոց ցեղասպանությունը: Միանալով միջազգային հանրության կոչերին՝ Բասկերի խորհրդարանը կոչ է արել Թուրքիային ճանաչել Հայոց ցեղասպանությունը:
Նույն օրը Հայոց ցեղասպանության 100-րդ տարելիցին նվիրված բանաձեւ է ընդունել նաեւ Արգենտինայի Վիսենտե Լոպես քաղաքի օրենսդիր խորհուրդը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: