Երեւան: Մեդիամաքս: Թուրքիայի նախագահ Ռեջեփ Էրդողանն այսօր զգուշացրել է Ռուսաստանին, որ «զրկվելով Թուրքիայի բարեկամությունից, այն շատ բան կկորցնի»:
BBC-ի Ռուսական ծառայության հաղորդման համաձայն, Էրդողանն այդ մասին ասել է Բրյուսելում կայացած մամուլի ասուլիսում:
«Ռուսաստանի հետ մեր բարիդրացիական հարաբերությունների մասին գիտեն բոլորը: Սակայն եթե Ռուսաստանը ի դեմս Թուրքիայի բարեկամի կորցնի, նա շատ բան կկորցնի եւ պետք է տեղյակ լինի այդ մասին», - ասել է Թուրքիայի նախագահը:
«Հարձակումը Թուրքիայի վրա կնշանակի հարձակում ՆԱՏՕ-ի վրա», - հավելել է նա:
Ավելի վաղ Թուրքիայի ԱԳՆ ներկայացուցիչը հայտարարել էր, որ վերջին երեք օրերի ընթացքում ռուսական ռազմական երկրորդ օդանավն է խախտել Թուրքիայի օդային տարածքը:
Անկարան կրկին թուրքական ԱԳՆ էր հրավիրել ՌԴ դեսպանին՝ բացատրություններ ստանալու նպատակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: