Մոտակա ժամանակներում Հայաստանը կսկսի բանակցությունները ԵՄ-ի հետ ազատ առեւտրի մասին համաձայնագրի շուրջ:
Ինչպես հաղորդում է Մեդիամաքս-ը, այդ մասին ասել է ՀՀ նախագահ Սերժ Սարգսյանն` Կիեւում հայ-ուկրաինական գործարար համաժողովի բացման իր խոսքում:
«Հայաստանն այսօր արդեն հետխորհրդային տարածքում ունի ամենաազատական տնտեսական օրենսդրություններից մեկը: Մենք ունենք ներդրողների իրավունքների պաշտպանության, նրանց գործունեության համար հավասար եւ մրցունակ միջավայր ապահովելու բոլոր մեխանիզմները: Հայաստանը սերտորեն համագործակցում է Եվրամիության հետ օրենսդրության ներդաշնակեցման ուղղությամբ: Այժմ քննարկվում է Հայաստանին շուկայական տնտեսության կարգավիճակի շնորհման հարցը, մենք ավարտում ենք աշխատանքը Ասոցացված գործընկերության համաձայնագրի շուրջ: Մոտակա ժամանակներում մենք կսկսենք բանակցությունները ԵՄ-ի հետ ազատ առեւտրի մասին Համաձայնագրի շուրջ», - ասել է ՀՀ նախագահը:
