Երեւան: Մեդիամաքս: ՀՀ նախագահ Սերժ Սարգսյանն այսօր ասել է, որ Շվեդիան Եվրոպայում Հայաստանի կարեւոր եւ վստահելի գործընկերներից է:
Այս մասին ՀՀ նախագահն ասել է Շվեդիայի արտաքին գործերի նախարար Մարգոտ Վալստրյոմի հետ հանդիպման ժամանակ:
Կողմերն արձանագրել են, որ վերջին շրջանում նկատելիորեն ակտիվացել է հայ-շվեդական քաղաքական երկխոսությունը:
Քննարկվել են ինչպես երկկողմ, այնպես էլ բազմակողմ ձեւաչափերով հայ-շվեդական փոխգործակցության զարգացման, Հայաստանում իրականացվող բարեփոխումներին Շվեդիայի աջակցության հնարավորությունները:
Սերժ Սարգսյանն ընդգծել է, որ Շվեդիան զգալի դերակատարում ունի ՀՀ-ԵՄ հարաբերությունների ամրապնդման գործում:
Մարգոտ Վալստրյոմը վստահեցրել է, որ Հայաստանն այսուհետ էլ կարող է ապավինել Շվեդիայի աջակցությանը եւ համոզված լինել, որ իր գլխավորած պատվիրակությունը Հայաստանում է՝ որպես ԵՄ Արեւելյան գործընկերության ու այս տարածաշրջանի բարեկամ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: