Երեւան: Մեդիամաքս: ՀՀ նախագահ Սերժ Սարգսյանն ասել է, որ անդամակցելով Եվրասիական տնտեսական միությանը՝ Հայաստանը շարունակում է հետեւողականորեն ընդլայնել երկարաժամկետ գործընկերության օրակարգը Եվրոպական Միության հետ:
«Այդ գործընկերությունը Հայաստանում բարեփոխումների խորացման, ժողովրդավարական ինստիտուտների ամրապնդման, տնտեսական փոխգործակցության խթանման կարեւորագույն երաշխիքն է: 2015թ. դեկտեմբերի 7-ին Բրյուսելում տրվեց Հայաստան-Եվրոպական Միություն նոր շրջանակային համաձայնագրի բանակցությունների մեկնարկը, որն ակնկալում ենք ավարտել հնարավորինս կարճ ժամկետներում»,- ասել է նախագահը՝ մարտի 16-ին ելույթ ունենալով Կիպրոսի համալսարանում:
Սերժ Սարգսյանը նշել է, որ լինելով Հավաքական անվտանգության պայմանագրի կազմակերպության հիմնադիր անդամ, «մենք շարունակում ենք արդյունավետ ծրագրեր իրականացնել ՆԱՏՕ-ի հետ»:
Միջազգային խաղաղապահ առաքելությունների միջոցով Հայաստանն իր նպաստն է բերում միջազգային խաղաղության եւ անվտանգության ամրապնդմանը, ասել է երկրի ղեկավարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: