Երեւան: Մեդիամաքս: ԱՄՆ պետքարտուղարությունը մտահոգություն է հայտնել, որ Թուրքիայի խորհրդարանի կողմից ընդունված սահմանադրական փոփոխությունը, որն ավելի քան 100 պատգամավորների կզրկի անձեռնմխելիությունից, «սառեցնող ազդեցություն կունենա Թուրքիայում խոսքի ազատության վրա»:
Փոփոխությունը դեռ պետք է վավերացվի նախագահ Էրդողանի կողմից:
«Օրենքի առաջ հավասար լինելն ընդունված է ժողովրդավարական հասարակություններում: Սակայն մենք հավատում ենք, որ քաղաքական ելույթների ազատությունը, անգամ այն դեպքում, եթե շատերը դրանք համարում են հակասական կամ անհարմար, պետք է ապահովվի բոլորի համար: Սա հատկապես կարեւոր է այն դեպքում, երբ խոսքը գնում է երկրի քաղաքացիների կողմից ընտրված ներկայացուցիչների ելույթների մասին:
Մենք ուշադիր հետեւում ենք այս իրավական փոփոխությանը վերաբերող զարգացումներին: Եթե այս փոփոխության արդյունքում սահմանափակվի քաղաքական բանավեճի տարածքը, դա կքայքայի Թուրքիայի ժողովրդավարության որակը», - ասված է ԱՄՆ պետքարտուղարության հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: