Երեւան: Մեդիամաքս: Հայաստանում ՄԱԿ-ի մշտական համակարգող Շոմբի Շարփն այսօր ասել է, որ ՄԱԿ-ի երեւանյան գրասենյակը պատրաստակամ է գործուն աջակցություն ցուցաբերել Հայաստանի առջեւ ծառացած մարտահրավերների հաղթահարման ջանքերին:
Այս մասին նա ասել է ՀՀ վարչապետ Նիկոլ Փաշինյանի հետ հանդիպմանը։
Վարչապետն էլ համոզմունք է հայտնել, որ ՄԱԿ-ի երեւանյան գրասենյակի հետ հետագայում եւս կծավալվի սերտ համագործակցություն, ինչը կնպաստի տարբեր ծրագրերի հաջողությամբ իրականացմանը:
ՄԱԿ-ի մշտական համակարգողը նշել է, որ այժմ ընթացքի մեջ են Մեղրիի մաքսային անցակետի արդիականացման ռազմավարության մշակման աշխատանքները:
Զրուցակիցները կարեւորել են Հայաստանի ընտրական գործընթացներին ՄԱԿ-ի զարգացման ծրագրի հնարավոր օժանդակությունը եւ քննարկել այն մեխանիզմները, որոնք կնպաստեն ընտրությունների թափանցիկ անցկացմանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: