Երեւան: Մեդիամաքս: Հայաստանի արտգործնախարար Զոհրաբ Մնացականյանը հայտարարել է, որ Հայաստանում Կայուն զարգացման նպատակների (ԿԶՆ) ազգայնացման գործընթացն ուղեկցվում է Հայաստանի նոր կառավարության ձեռնարկած հավակնոտ բարեփոխումների ծրագրով։
Այս մասին նախարարը նշել է ՄԱԿ-ի Տնտեսական եւ սոցիալական խորհրդի հովանու ներքո գումարված կայուն զարգացման վերաբերյալ բարձրաստիճան պաշտոնյաների քաղաքական ֆորումի շրջանակում:
Նախարարն ընդգծել է Հայաստանի կառավարության եւ ՄԱԿ-ի հայաստանյան թիմի միջեւ ձեւավորված գործընկերային սերտ կապերն ու համագործակցությունը, որոնք, մասնավորապես, ուղղված են նորարական նախաձեռնությունների խրախուսմանը:
ՄԱԿ-ի 2030 օրակարգի արդյունավետ իրականացման առումով Զոհրաբ Մնացականյանն ընդգծել է տարածաշրջանային եւ ենթատարածաշրջանային համագործակցության կարեւորությունը՝ նշելով, որ այն կարող է ոչ միայն հիմք ծառայել հարեւան երկրների միջեւ փոխշահավետ կապերի ամրապնդման համար, այլ հանդես գալ որպես վստահության ձեւավորման կարեւոր միջոց:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: