Երեւան: Մեդիամաքս: ՆԱՏՕ-ի Խորհրդարանական վեհաժողովում հայկական պատվիրակության ղեկավար, ՀՀԿ անդամ Կորյուն Նահապետյանն այսօր համոզմունք է հայտնել, որ Վիլնյուսում կայանալիք Արեւելյան գործընկերության գագաթնաժողովի ընթացքում Հայաստանն ու ԵՄ-ն փաստաթուղթ կստորագրեն:
Ինչպես հաղորդում է Մեդիամաքս-ը, Կորյուն Նահապետյանն ասել է, որ փաստաթուղթը կարտացոլի ՀՀ-ի եւ ԵՄ-ի միջեւ կայացած բանակցությունների արդյունքները:
Պատգամավորն ասել է, որ խոսքը չի վերաբերում Ասոցացման համաձայնագրի քաղաքական հատվածին:
«Խոսքն մի նոր փաստաթղթի մասին է, որով կհաստատվեն բանակցությունների այն արդյունքները, որ մենք ունեցել ենք վերջին 4 տարիների ընթացքում: Դա շատ լավ հիմք կլինի հետագայում եվրոպական երկրների հետ հարաբերությունները խորացնելու համար՝ արդեն նոր իրողությունների համատեքստում»,-ասել է Կորյուն Նահապետյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: