Երեւան: Մեդիամաքս: Եվրախորհրդարանի նախագահ Մարտին Շուլցն ասել է, որ «խորապես հիասթափված է» այն փաստից, որ Ուկրաինան եւ Հայաստանը հրաժարվել են այսօր Վիլնյուսում մեկնարկող Արեւելյան գործընկերության գագաթնաժողովում Ասոցացման համաձայնագրերը ստորագրելու եւ նախաստորագրելու մտադրությունից:
«Շնորհավորում եմ Մոլդովային եւ Վրաստանին նախատեսվող նախաստորագրման կապակցությամբ, եւ խորապես հիասթափված եմ այն փաստից, որ Ուկրաինան եւ Հայաստանը հրաժարվել են գագաթնաժողովին համաձայնագիրը ստորագրելու իրենց մտադրությունից: Հատկապես ցավալի է, որ իրենց ընտրությունը վերանայելու այդ երկրների որոշումը կատարվել է արտաքին ճնշման ներքո: Մենք պետք է հստակ եւ բարձրաձայն հայտարարենք, որ անընդունելի ենք համարում Ռուսաստանի տնտեսական եւ քաղաքական ճնշումները մեր արեւելյան գործընկերների նկատմամբ», - ասվում է Արեւելյան գործընկերության գագաթնաժողովի նախօրեին արված Շուլցի հայտարարության մեջ:
Մարտին Շուլցը նշել է, որ «ԵՄ-ի հետ ասոցացման դուռը բաց է մնում»: «Մենք երբեք չենք թողնի տարածաշրջանի ժողովուրդների եվրոպական հույսերն ու ձգտումները», - ասել է նա:
ՀՀ նախագահ Սերժ Սարգսյանի գլխավորած պատվիրակությունն այսօր կմեկնի Վիլնյուս` Արեւելյան գործընկերության գագաթնաժողովին մասնակցելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: