Երեւան: Մեդիամաքս: Լեռնային Ղարաբաղի Հանրապետության արտաքին գործերի նախարար Կարեն Միրզոյանը հայտարարել է, որ Լեռնային Ղարաբաղի հակամարտության խաղաղ կարգավորման գործընթացում 2014թ. չի հաջողվել իրական առաջընթացի հասնել «Ադրբեջանի իշխանությունների վարած ապակառուցողական քաղաքականության պատճառով»:
Կարեն Միրզոյանն այսօր ԼՂՀ ԱԳՆ տարեկան ամփոփիչ ասուլիսում ասել է, որ շփման գծում միջադեպերի հետաքննության մեխանիզմների անհապաղ մշակումն ու իրագործումը թույլ կտան բացահայտել հրադադարի ռեժիմի իրական խախտողին՝ ի դեմս Ադրբեջանի, եւ խուսափել հակամարտության կողմերին ուղղված անհասցե կոչերից:
Նրա խոսքով՝ Ադրբեջանն ընտրել է ղարաբաղյան հակամարտության գոտում իրավիճակի աննախադեպ սրման ճանապարհը։
Կարեն Միրզոյանն ընդգծել է, որ նման քայլերով Ադրբեջանը բացահայտ արհամարհանք է դրսեւորում ԵԱՀԿ Մինսկի խմբի համանախագահ պետությունների եւ, ընդհանուր առմամբ, միջազգային հանրության հանդեպ։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: