Երեւան: Մեդիամաքս: Աշխատանքային այցով ԱՄՆ-ում գտնվող ԼՂՀ վարչապետ Արայիկ Հարությունյանը հանդիպումներ է ունեցել Նեւադա նահանգում:
Ինչպես հաղորդում են ԼՂՀ կառավարության մամուլի ծառայությունից, Արայիկ Հարությունյանը հանդիպել է Նեւադայում ՀՀ պատվավոր հյուպատոս Անդի Արմենյանին եւ համայնքի մի շարք ներկայացուցիչների:
Արցախի վարչապետը հանդիպում է ունեցել նաեւ Նեւադայի օրենսդիր մարմնի եւ տեղական ինքնակառավարման մարմինների մի խումբ ներկայացուցիչների հետ:
Արայիկ Հարությունյանը նրանց ներկայացրել է Արցախի հաջողություններն ու խնդիրները պետականաշինության եւ տնտեսության զարգացման գործընթացներում, ինչպես նաեւ՝ ղարաբաղյան հակամարտության շուրջ տեղի ունեցող զարգացումները եւ ընդհանուր տարածաշրջանի իրավիճակը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: