Երեւան: Մեդիամաքս: Հայաստանի մանուկներ հիմնադրամն (COAF) ամփոփել է ամենամյա մեդիա մրցույթի արդյունքներն ու հաղթողներին հանձնել մրցանակներ։

Թվով երրորդ մրցույթի թեման կրթությունն էր։ Հիմնադրամը հավաքագրել էր 35 լրագրողական նյութ ու դրանցից ընտրել լավագույն չորսը։

Մրցանակներ են ստացել «Ար» հեռուստաընկերությունը, Armtimes.com-ը, Civilnet.am-ը եւ Հանրային ռադիոն։

Մրցանակների են արժանացել նաեւ COAF-ի աշխատանքներն ամենաակտիվ լուսաբանած լրատվամիջոցներն ու լրագրողները։

Մեդիամաքսի լրագրող Լուսինե Ղարիբյանը ստացել է Հայաստանի մանուկներ հիմնադրամի հատուկ մրցանակը Լոռիի ԱՄԱՐԹ ապագան շարքի համար։