Երեւան: Մեդիամաքս: ՀՀ նախագահ Սերժ Սարգսյանն այսօր հրամանագիր է ստորագրել Արմեն Գեւորգյանին տարածքային կառավարման նախարարի, փոխվարչապետի պաշտոնից ազատելու մասին:
Արմեն Գեւորգյանը հրաժարականի դիմում էր ներկայացրել՝ պատճառաբանելով, որ ցանկանում է գործունեությունը շարունակել մասնավոր հատվածում:
Արմեն Գեւորգյանը Հայաստանի պետական կառավարման համակարգում աշխատում է 1997 թվականից: Նա զբաղեցրել է ՀՀ վարչապետի օգնականի, ՀՀ նախագահի օգնականի, ՀՀ նախագահի առաջին օգնականի, ՀՀ նախագահի աշխատակազմի ղեկավարի, ՀՀ Ազգային անվտանգության խորհրդի քարտուղարի, ՀՀ տարածքային կառավարման նախարարի եւ փոխվարչապետի պաշտոնները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: