Երեւան: Մեդիամաքս: ԵԱՀԿ Մինսկի խմբի համանախագահներն այսօր Երեւանում կհանդիպեն Հայաստանի նախագահ Սերժ Սարգսյանի ու ԱԳ նախարար Էդվարդ Նալբանդյանի հետ:
Վերջին անգամ միջնորդները տարածաշրջան էին այցելել ս.թ. հուլիսին` Կազանում կայացած հանդիպումից հետո: Այցից հետո նրան հայտարարել էին, որ «ժամանակն է քաղաքական կամք դրսեւորել` տարածաշրջանի երկարատեւ խաղաղությանը, անվտանգությանը եւ հաշտեցմանը հասնելու նպատակով»:
Սեպտեմբերի 29-ին Վարշավայում համանախագահներն առանձին հանդիպումներ ունեցան Հայաստանի եւ Ադրբեջանի նախագահների հետ, որոնց ընթացքում քննարկել էին ԼՂ հակամարտության խաղաղ կարգավորման հետագա քայլերը:
Այդ հանդիպումներից հետո նրանք արել էին եւս մեկ հայտարարություն, նշելով, որ
կողմերին կառաջարկեն լրացուցիչ միջոցներ ձեռնարկել` հրադադարի ռեժիմը ամրապնդելու, տեղում մթնոլորտը բարելավելու եւ տարածաշրջանում բնակվող մարդկանց միջեւ փոխըմբռնումը ավելացնելու նպատակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: