Երեւան: Մեդիամաքս: ՀՀ Ազգային ժողովի նախագահ Արա Բաբլոյանն ու Հայաստանում ՄԱԿ-ի Մանկական հիմնադրամի ներկայացուցիչ Տանյա Ռադոչայն այսօր քննարկել են երեխաների իրավունքների պաշտպանության խնդիրները:
Արա Բաբլոյանը կարեւորել է Հայաստանում ՄԱԿ-ի հետ իրականացվող ծրագրերի շարունակականությունը:
Նրա խոսքով՝ հատկապես զարգացման խնդիրներ ունեցող երեխաների դեպքում ներառական կրթության ապահովումը պետք է դիտարկել որպես գլոբալ նպատակ:
Ըստ Արա Բաբլոյանի՝ պետության հոգածության ներքո պետք է լինեն այնպիսի հարցեր, ինչպիսիք են խնդիրների վաղ հայտնաբերումը, անհրաժեշտ միջամտության ցուցաբերումն ու հասարակական կյանքին երեխաների լիարժեք ինտեգրումն ապահովելը:
Տանյա Ռադոչայը կարեւորել է Հայաստանում վերջին տարիներին իրականացվող բարեփոխումների գործընթացը:
Քննարկվել են նաեւ երեխաների իրավունքների պաշտպանության ոլորտին վերաբերող մի շարք խնդիրների լուծմանն ուղղված համատեղ նախաձեռնություններ ու միջոցառումներ իրականացնելու հնարավորությունները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: