Երեւան: Մեդիամաքս: Հայաստանի վարչապետ Նիկոլ Փաշինյանն այսօր ասել է, որ 2026 թվականը «վճռական նշանակություն է ունենալու խաղաղության համար»:
«Հունիսին տեղի են ունենալու հերթական խորհրդարանական ընտրություններ. դրանք ունեն առանցքային հարց, որի պատասխանը պետք է տա հայ ժողովուրդը:
Հայ ժողովուրդն իր ընտրությամբ պետք է տեր կանգնի խաղաղությանը: Հակառակ դեպքում Հայաստանը հետ կգլորվի դեպի կոնֆլիկտ, հակառակը ֆորպոստի տրամաբանությունն է: Խաղաղությանը տեր կանգնելով՝ հայ ժողովուրդը տեր կկանգնի իր նորընծա անկախության մակարդակին, իր ինքնիշխանությանը, իր պետությանը»,- Ազգային ժողովում 2026 թվականի բյուջեի նախագծի քննարկման ժամանակ ասել է Նիկոլ Փաշինյանը։
Նա նշել է, որ պետբյուջեն առաջին անգամ է քննարկվում խաղաղության պայմաններում:
«Խաղաղությունն արդեն ունի պարամետրեր ու վիճակագրություն։ Արդեն 1 տարի 8 ամիս Հայաստան-Ադրբեջան սահմանին փոխհրաձգության հետեւանքով զինվոր չի զոհվել, մեր անկախության պատմության մեջ մենք երբեւէ այսպիսի 1 տարի 8 ամիս չենք ունեցել»,- ասել է Նիկոլ Փաշինյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: