Երեւան: Մեդիամաքս: Մաքսային միությանը Հայաստանի անդամակցելու հարցը պետք է դրվի հանրաքվեի, այսօր ասել է ԱԺ պատգամավոր, ՀՀ նախկին վարչապետ Հրանտ Բագրատյանը:
«Բնականաբար, հասկանում եմ, որ հանրաքվեի արդյունքները կարող են կեղծվել, որպեսզի Մաքսային միությանն անդամակցելու որոշումը լեգիտիմացվի», - ասել է նա:
Հրանտ Բագրատյանի կարծիքով, Մաքսային միությանն անդամակցելու պարագայում Հայաստանն որոշակի քայլեր պետք է նախաձեռնի, համապատասխան հանձնաժողով ստեղծի, ռուսական կողմից ժամկետներ պահանջի՝ երկրի տնտեսությունը նոր իրավիճակին նախապատրաստելու համար:
Պատգամավորը կանխատեսում է, որ «ապագայում մեզ սպասում է ռուբլու միասնական գոտի, անհնար է պատկերացնել լիարժեք Մաքսային միությունն առանց ռուբլու գոտու»:
Հրանտ Բագրատյանն ասել է, որ Մաքսային միությանն անդամակցելու հարցում կան նաեւ դրական կողմեր, մասնավորապես, Հայաստանի կոնյակագործություն եւ գինեգործության զարգացումը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: