Երեւան: Մեդիամաքս: ԵԱՀԿ Մինսկի խմբի ամերիկացի համանախագահ Ջեյմս Ուորլիքն ասել է, որ, անկախ ԱՄՆ-ի եւ Ռուսաստանի միջեւ առկա անհամաձայնություններից, Լեռնային Ղարաբաղի հակամարտության խաղաղ կարգավորման հարցում Մոսկվան եւ Վաշինգտոնը միակարծիք են:
«Մենք ակտիվ աշխատում ենք Ռուսաստանի եւ ԵԱՀԿ Մինսկի խմբի ռուսաստանցի համանախագահի հետ եւ փորձում ենք փնտրել դեպի խաղաղության տանող ճանապարհը»,- այսօր ասել է ամերիկացի միջնորդը:
Լրագրողների խնդրանքով անդրադառնալով ԵԱՀՄ Մինսկի խմբի համանախագահ երկիր Ռուսաստանի կողմից Ադրբեջանին զենք վաճառելու փաստին՝ Ջեյմս Ուորլիքն ասել է, որ այս խնդիրը համանախագահների միջեւ քննարկվող հարցերից չէ:
«Մենք անհանգստացած ենք եւ մեր մտահոգությունն ենք հայտնել սահմանին լարվածության մեծացման եւ դրա հետեւանքով գրանցվող մարդկային զոհերի կապակցությամբ: Եվ մենք կրկին կոչ ենք անում կողմերին հարգել զինադադարը եւ վերջ դնել խախտումներին»,- ասել է միջնորդը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: