Թեհրանի կենտրոնում գտնվող «Շոա» հրապարակն այսուհետ կրում է 1980-1988 թթ. իրան-իրաքյան պատերազմում նահատակված հայազգի Գագիկ Թումանյանի անունը:
Ինչպես Մեդիամաքսի թղթակցին պատմել է Իրանի խորհրդարանի հայազգի պատգամավոր Կարեն Խանլարյանը, Թեհրանի Ղաէմմաղամ Ֆարահանի փողոցում գտնվող հրապարակը հայազգի նահատակի պատվին անվանակոչելը քաղաքային իշխանությունների նախաձեռնությունն է:
«Թեհրանում արդեն կային փողոցներ եւ պողոտաներ, որոնք կրում էին հայազգի նահատակների անուններ: Սակայն Գագիկ Թումանյանի անունով կենտրոնական հրապարակներից մեկի անվանակոչումն օգոստոսի 15-ին՝ հենց նրա նահատակման օրը, չափազանց հուզիչ նախաձեռնություն է»,- ասել է Կարեն Խանլարյանը, որը եղել է Գագիկ Թումանյանի մտերիմ ընկերներից մեկը:
Լուսանկարը` http://alikonline.ir/
Հրապարակի անվանակոչության հանդիսավոր արարողությանը ներկա են եղել Թեհրանի քաղաքապետարանի պաշտոնյաներ, հայ համայնքի ներկայացուցիչներ, Գագիկ Թումանյանի մայրը եւ քույրը, ազգականները:
Պատգամավորի խոսքով՝ Գագիկ Թումանյանը եղել է համայնքային ազդեցիկ գործիչներից մեկը, որը զինվորագրվել եւ մեկնել է ռազմաճակատ՝ մասնակցելու Իրանի պաշտպանությանը: Ծառայության ընթացքում նա երկու անգամ խրախուսվել է ցուցաբերած արիության համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: