Մեդիամաքսը պատմում է, թե ինչով կարելի է զբաղվել հանգստյան օրերին:

ՇԱԲԱԹ, ՀՈՒԼԻՍԻ 28

Շաբաթ կեսօրին Էօնում ինտերակտիվ ներկայացման միջոցով 3-ից 8 տարեկան երեխաները բացահայտելու են «Գտնված Երազ»-ի կախարդական աշխարհը եւ փորձելու են գտնել պապիկի քունը:

 

Մասնակցության արժեքը՝ 1000 դրամ:

***

Շաբաթ եւ կիրակի օրերին Հյուսիսային պողոտայում ժամը 17:00-20:00-ը

Մանկական Bari Fest-ն է ընթանալու, որի ընթացքում հայտնիների կողմից կվաճառվեն քաղցրավենիքներ, կլինի ցուցահանդես վաճառք եւ շատ-շատ պղպջակներ:

 

Փառատոնի ողջ հասույթը կուղվի «Բարի տնակ» վերականգնողական կենտրոնի ներքին հարդարման աշխատանքներին:

***

Ժամը 20:00-ին Գաֆեսճյան արվեստի կենտրոնում «Երաժշտության կասկադ»-ի շրջանակներում կկայանա Հայաստանի պետական ջազ նվագախմբի համերգը` Արմեն Հյուսնունցի ղեկավարությամբ:

Տոմսերի արժեքը՝ 5000 դրամ: Տոմսերն ամրագրելու համար զանգահարեք  +374 10 567262 հեռախոսահամարով:

***

Շաբաթ եւ կիրակի օրերին Գետամեջ գյուղում կանցկացվի հոբելյանական, հինգերորդ River Fest ռոք-փառատոնը: Կլինեն համեղ ուտեստներ, սառը խմիչքներ, երաժշտական տարբեր խմբեր, խարույկի շուրջ խոսակցություններ եւ արկածներ:

Լուսանկարը` The Armenian Weekly

Գետամեջ հասնելու, տոմսեր ձեռքբերելու եւ երկօրյա հագեցած ծրագրի մանրամասները կարող եք ծանոթանալ այստեղ:

ԿԻՐԱԿԻ, ՀՈՒԼԻՍԻ 29

Ժամը 12:30-ին եւ 14:00-ին Խամաճիկների թատրոնում կներկայացվի «Մատնաչափիկ»-ի փորձություններով լի, բայց երջանիկ ավարտ ունեցող պատմությունը:

 

Տոմսերի արժեքը՝1000 դրամ:

***

Գաֆեսճյան արվեստի կենտրոնում վերջերս բացվել է «11. հայ ժամանակակից աբստրակտ արվեստի ընտրանի» ցուցահանդեսը, որում ընդգրկված է տասնմեկ հայ արվեստագետների մոտ հիսուն աշխատանք, որոնց մեծամասնությունը՝ առաջին անգամ:

 

Ցուցադրության մուտքն անվճար է:

***

Ժամը 19:30-ին «Գոյ» թատրոնում (Գրիգոր Լուսավորիչ 6) կցուցադրվի «Խոսիր ինձ հետ սիրո մասին» ներկայացումը՝ բեմադրված Տոնինո Գուերայի ստեղծագործությունների հիման վրա:

 

Տոմսերի արժեքը՝ 1500 եւ 2000 դրամ:

***

Նույն ժամին թիմային խաղերի սիրահարները հավաքվելու են Էօնում՝ երաժշտական վիկտորինայի մասնակցելու նպատակով:

 

Մասնակցության արժեքը՝ 1000 դրամ:

Աննա Բուբուշյան