Երեւան: Մեդիամաքս: «Հայաստանի զարգացման նախաձեռնություններ» (IDeA) բարեգործական հիմնադրամի գլխավոր տնօրենի պաշտոնակատարի պարտականությունները ստանձնել է Էդգար Մանուկյանը:
«Էդգար Մանուկյանը IDeA -ի փորձառու թոփ-մենեջերներից է: Նա Հայաստանում մեր ծրագրերի իրականացման թիմին միացել է 2012 թվականից»,- ասել է IDeA-ի հիմնադիրը հանդիսացող RVVZ ընտանեկան հիմնադրամի համահիմնադիր Ռուբեն Վարդանյանը:
«Էդգար Մանուկյանի կարեւոր ձեռքբերումներից է UWC Dilijan միջազգային քոլեջի շինարարական գործընթացի հաջող ղեկավարումը: Մենք հաջողություններ ենք մաղթում Էդգար Մանուկյանին եւ IDeA-ի ամբողջ թիմին»,-ասել է RVVZ եւ IDeA հիմնադրամների համահիմնադիր Վերոնիկա Զոնաբենդը:
Արմեն Գեւորգյանը, ով IDeA հիմնադրամը ղեկավարում է 2014թ. նոյեմբերից, որոշել է ակադեմիական արձակուրդ վերցնել՝ Հարվարդի համալսարանում «General management program» («Ընդհանուր մենեջմենթ») ծրագրով ուսանելու համար:
Վերոնիկա Զոնաբենդն ու Ռուբեն Վարդանյանը շնորհակալություն են հայտնում Արմեն Գեւորգյանին՝ IDeA-ի զարգացման գործում ունեցած մեծ ներդրման համար եւ հաջողություն են մաղթում նրա ձեռնարկումներում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: