Երեւան: Մեդիամաքս: Արամ Խաչատրյանի տուն-թանգարանում տեղի է ունեցել Դասական երաժշտության զարգացման հիմնադրամի ընկերների ակումբի ստեղծման շնորհանդեսը, որի շրջանակում Կոնվերս բանկը ներկայացրել է հիմնադրամի հետ համատեղ իրականացվող «Տաղանդավոր երեխաներ» նախագիծը:
Նախագծի նպատակն է ֆինանսական աջակցություն ցուցաբերել երաժշտությամբ զբաղվող տաղանդավոր երեխաներին: Արդյունքում երեխաները կֆինանսավորվեն երաժշտական կրթություն ստանալու, մրցույթներին մասնակցելու, ինչպես նաեւ արտերկրում ուսումը շարունակելու նպատակով:
«Նախագիծը հնարավորություն կտա բացահայտել ու աջակցել տաղանդավոր երեխաներին: Մենք շատ լավ հասկանում ենք, որ գումարի բացակայության պատճառով շատ երեխաների մոտ տաղանդը բացահայտելու ու հետագայում զարգացնելու հարցում խնդիրներ են առաջանում: Հենց սա է մեր նպատակը, համոզված եմ, որ ապագայում ունենալու ենք նոր խաչատրյաններ ու բաբաջանյաններ»,- ասել է Տիգրան Դավթյանը:
Դասական երաժշտության զարգացման հիմնադրամը ստեղծվել է 2010թ. «Խաչատրյան տրիո»-ի երաժիշտներ Արմինե Գրիգորյանի, Կարեն Շահգալդյանի եւ Կարեն Քոչարյանի, նաեւ լոնդոնաբնակ մեկենաս Ասատուր Գյուզելյանի կողմից:
Տաղանդավոր երեխաներին ֆինանսական աջակցություն ցուցաբերել ցանկացողները կարող են գումար փոխանցել Կոնվերս անկի հաշվեհամարին՝ AMD 1930046434020200:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: