Երեւան: Մեդիամաքս: Միջուկային անվտանգության կարգավորողների եվրոպական խմբի փորձագետները գնահատել են Հայկական ատոմային էլեկտրակայանի ռիսկերն ու անվտանգությունը:
Ինչպես հաղորդում է Հայաստանում ԵՄ պատվիրակությունը, փորձագիտական գնահատումը կատարվել է հունիսի 21-22-ը:
«10 փորձագետներից կազմված փորձագիտական խմբի կազմում էին Միջուկային անվտանգության կարգավորողների եվրոպական խմբի կողմից առաջադրված 8 ԵՄ անդամ պետությունների ներկայացուցիչներ ու Եվրոպական հանձնաժողովի 2 աշխատակիցներ»,- հայտնել են ԵՄ պատվիրակությունում:
Եվրոպական հանձնաժողովի «Միջուկային անվտանգության համագործակության գործիքի» շրջանակում ֆինանսավորվող երկու ծրագրերի իրականացման շնորհիվ Մեծամոր ՀԱԷԿ-ն ու Միջուկային ոլորտը կարգավորող հայկական մարմինը նախաձեռնել էին միջուկային սթրես-թեստերի վերաբերյալ զեկույցների մշակում՝ անկախ փորձագիտական գնահատման գործընթացի հետագա իրականացման մտադրությամբ:
2015թ. օգոստոսին Միջուկային ոլորտը կարգավորող հայկական մարմինը Եվրոպական հանձնաժողովի Էներգետիկայի գլխավոր տնօրինության փորձագիտական գնահատմանն էր ներկայացրել «Միջուկային սթրես-թեստեր Հայկական ատոմային էլեկտրակայանի համար (ՀԱԷԿ)» Ազգային զեկույցը:
Միջուկային անվտանգությունը Եվրոպական միության առաջնահերթ ուղղություններից է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: