Սարի թաղում եւ Խորենացի փողոցում տեղի ունեցած բախումների արդյունքում տուժածների թիվը, որոնց բուժօգնության նպատակով տեղափոխվել են Երեւանի բուժհաստատություններ, հասնում է շուրջ վեց տասնյակի:
Տուժածներից մեկը 17 ամյա պատանի է, ում աչքը, վիրահատական միջամտությամբ, բժիշկները հեռացրել են:
Երեւանի «Սուրբ Գրիգոր Լուսավորիչ» բժշկական կենտրոնից հայտնում են, որ այս պահին բուժօգնություն են տրամադրում շուջ 40 տուժածի:
Ավելի վաղ առողջապահության նախարարությունը հայտնել էր 29 տուժածի մասին, որոնցից 20-ը գտնվում էին Երեւանի «Սուրբ Գրիգոր Լուսավորիչ» բժշկական կենտրոնում: Էրեբունի բժշկական կենտրոնից նախապես հայտնի էր բուժօգնություն ստացող 7 տուժածի մասին, մինչդեռ այս պահին կենտրոնում բուժօգնություն է ստանում 16 քաղաքացի:
Տուժածների մեջ կան անչափահասներ:
Առողջապահության նախարարությունից հայտնում են, որ, ընդհանուր առմամբ, բժիշկները ծանր են գնահատում տուժածներից երեքի վիճակը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: