Երեւան: Մեդիամաքս: Գյումրիում Ավետիսյանների ընտանիքի 7 անդամների սպանության համար մեղադրվող ՌԴ 102-րդ բազայի զինծառայող Վալերի Պերմյակովն այսօր դատապարտվել է ցմահ ազատազրկման։

Շիրակի մարզի ընդհանուր իրավասության դատարանը մեղավոր է ճանաչվել Պերմյակովին նրան մեղսագրվող բոլոր արարքներում եւ սպանության հոդվածի համար դատապարտվել է ցմահ ազատազրկման, ավազակության համար՝  10 տարվա, իսկ սահմանը հատելու փորձի համար՝ 2 տարվա ազատազրկման:

Պատժին գումարվել է նաեւ ՌԴ զինվորական դատարանի կողմից նրա նկատմամբ նշանակված 10 տարի ազատազրկման ժամկետը:

Առայժմ անհայտ է, թե որտեղ է Վալերի Պերմակյավը կրելու պատիժը։