Երեւան: Մեդիամաքս: ՀՀ կառավարությունն այսօր հաստատել է խաղատուն եւ շահումով (այդ թվում՝ ինտերնետ շահումով) խաղ իրականացնող կազմակերպություններին գործունեության իրականացման վայրի նկատմամբ ներկայացվող պահանջները եւ չափանիշները հաստատելու մասին որոշումը:
Ինչպես հաղորդում է Մեդիամաքս-ը, ֆինանսների նախարար Վաչե Գաբրիելյանն այսօր կառավարության նիստում տեղեկացրել է, որ 2013 թ-ից ուժի մեջ մտնող «Շահումով խաղերի եւ խաղատների մասին» օրենքի համաձայն` 2013 թվականի հունվարի 1-ից հետո խաղատուն կամ շահումով խաղ կարող է կազմակերպվել Ծաղկաձոր, Ջերմուկ եւ Սեւան համայնքների վարչական սահմաններում:
Որոշման համաձայն, խաղատները եւ շահումով խաղ իրականացնող սուբյեկտները պետք է ուղիղ գծով առնվազն 500 մետր հեռավորության վրա գտնվեն կրթական եւ պատմամշակութային օջախներից, պետական հիմնարկներից եւ հիվանդանոցներից եւ ունենան խաղատան համար առնվազն 250 քառ. մետր, իսկ շահումող խաղի համար` առնվազն 100 քառ. մետր ընդհանուր մակերես:
Կառավարության որոշման նախագծին կարելի է ծանոթանալ այստեղ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: